அமெரிக்காவில் தாய் ஒருவர் தனது மகளை திருமணம் செய்து கொண்ட குற்றத்திற்காக கைது செய்யப்பட்டுள்ளார்.
Oklahoma மாநிலத்தை சேர்ந்த Patricia Spann (43) என்பவர் 2016 ஆம் ஆண்டு மார்ச் மாதம் தனது மகளை Misty Spann(25) சட்டரீதியாக திருமணம் செய்துள்ளார்.
இந்நிலையில் மனித சேவை துறையினர் வீடுகளில் நடத்திய குழந்தைகள் நல விசாரணையின் போது, இவர்களின் முறைகேடான திருமண உறவை கண்டுபிடித்துள்ளனர்.
மேலும், இப்பெண்மணி தனது மகனை கடந்த 2008 ஆம் ஆண்டு சட்டரீதியாக திருமணம் செய்துள்ளார் என்ற தகவலும் தெரியவந்துள்ளது.
இந்த முறைகேடான திருமணம் புரிந்த குற்றத்திற்காக தாய், மகள் ஆகிய இருவரும் கைது செய்யப்பட்டு சிறையில் அடைக்கப்பட்டுள்ளனர்.
ஆனால் இந்த திருமணத்தின் பின்னணி குறித்த தெளிவான தகவல்கள் எதுவும் தெரியவராத நிலையில், இதுகுறித்து தாய் Patricia Spann கூறியதாவது, நான் எவ்வித சட்டத்தினையும் மீறவில்லை. எனது மகளின் பிறப்பு சான்றிதழில் எனது பெயர் இல்லாத காரணத்தால் இந்த திருமணம் பெரிய பிரச்சனையாக எனக்கு தெரியவரவில்லை என கூறியுள்ளார்.
தற்போது, இந்த திருமணம் தொடர்பான வழக்கு விசாரணை நடைபெற்று வருகிறது.
