வவுனியா வைரவபுளியங்குளம் வீனஸ் கல்லூரிக்கு முன்பாக முச்சக்கரவண்டி ஒன்று தனியார் வகுப்பிற்கு சென்றுகொண்டிருந்த வவுனியா குட்செட் வீதியை சேர்ந்த சைவப்பிரகாச கல்லூரியில் 2017 வர்த்தகப் பிரிவில் கல்வி பயிலும் விதுர்சினி மற்றும் கஜி ஆகிய இரண்டு மாணவிகள் மீது மோதியதில் இரண்டு மாணவிகளும் படுகாயமடைந்த நிலையில் வவுனியா பொதுவைத்தியசாலையில் அனுமதிக்கப்பட்டுள்ளனர்.
மேலும் முச்சக்கர வண்டியில் மூவர் பயணித்ததாகவும் மூவரும் மது போதையில் இருந்ததாகவும் சம்பவ இடத்தில் நின்றவர்கள் தெரிவித்தனர்.
இதேவேளை முச்சக்கரவண்டியின் சாரதி மற்றும் ஒருநபர் தப்பித்து ஓடியுள்ளதுடன் ஒருவர் அகப்பட்டுள்ளார். அகப்பட்ட நபரே முச்சக்கர வண்டியின் உரிமையாளர் ஆகும். முச்சக்கர வண்டியினுள் மதுப் போத்தல்களும் காணப்பட்டது என்பது குறிப்பிடத்தக்கது.
