காலியில் உள்ள தோட்ட குடியிருப்பில் வசித்து வந்த நபரொருவரை கோரமாக வெட்டிக்கொலை செய்த மூன்று பேரை எல்பிட்டிய பொலிஸார் கைது செய்துள்ளனர்.
எல்பிட்டிய – பிட்டிகல பாணதுராதோட்டத்தில் வசித்த நபரோ இவ்வாறு கொலை செய்யப்பட்டுள்ளார்.
கைது செய்யப்பட்ட நபர்கள் எல்பிட்டிய நீதவான் முன்னிலையில் ஆஜர்ப்படுத்தப்பட்டு எதிர்வரும் 05ம் திகதி வரை விளக்கமறியலில் வைக்கப்பட்டுள்ளனர்.
கொலை செய்யப்பட்ட நபர் வசித்த தோட்டத்தை சேர்ந்த 21, 43 மற்றும் 62 வயதான நபர்கள் மூவரே இவ்வாறு விளக்கமறியலில் வைக்கப்பட்டுள்ளனர்.
தனது இரண்டாவது மனைவியுடன் தோட்டத்தில் உள்ள வீடொன்றில் வசித்தபோதே குறித்த நபர் கொலை செய்யப்பட்டுள்ளார். இரண்டாவது மனைவியுடன் தகராறு ஏற்பட்ட மறுநாளே இவர் கொலை செய்யப்பட்டுள்ளதாக தெரிவிக்கப்படுகிறது.
இது குறித்து தகவல் அறிந்த பொலிஸார் விசாரணைகளை நடத்தி கொலையுடன் சம்பந்தப்பட்ட நபர்களை கைது செய்தனர்.
