ஐசிசி ஒருநாள் போட்டிக்கான தரவரிசைப் பட்டியலில் இந்திய அணி முதலிடத்தில் உள்ளது.
சர்வதேச ஒருநாள் போட்டியில் சிறந்து விளங்கும் அணிகளுக்கான தரவரிசைப் பட்டியலை சர்வதேச கிரிக்கெட் கவுன்சில் துபாயில் நேற்று வெளியிட்டது.
இதில் அணிகளுக்கான பட்டியலில், 123 புள்ளிகளுடன் இந்திய அணி முதலிடத்தில் உள்ளது. இதற்கு அடுத்த படியாக அவுஸ்திரேலியா(114 புள்ளி), இங்கிலாந்து(112 புள்ளி) அணிகள் உள்ளன.
துடுப்பாட்ட வீரர்களுக்கான தரவரிசைப் பட்டியலில் தென் ஆப்ரிக்காவின் ஹசிம் ஆம்லா, டிவில்லியர்ஸ் மற்றும் இலங்கையின் சங்கக்கார உள்ளனர். அடுத்து இந்தியாவின் வீராத்கோலி 4வது இடமும், அணித்தலைவர் டோனி 7வது இடத்திலும் உள்ளார்.
பந்துவீச்சாளர்களுக்கான பட்டியலில், இந்தி அணியின் ரவிந்திர ஜடேஜா, மேற்கிந்திய தீவுகள் அணியின் சுனில் நரைனுடன் முதலிடத்தை பகிர்ந்து கொண்டுள்ளார். மூன்றாவது இடத்தில் பாகிஸ்தானின் சயீத் அஜ்மல் உள்ளார்.
சகலதுறை தரவரிசைப் பட்டியலில் முதல் மூன்று இடங்களில், பாகிஸ்தானின் முகமது ஹபீஸ், வங்கதேசத்தின் சாகிப் அல் ஹசன், இந்தியாவின் ரவிந்திர ஜடேஜா உள்ளனர்.
