ஐசிசி தரவரிசைப் பட்டியலில் மீண்டும் இணையவுள்ள சிம்பாவே!!

சர்வதேச கிரிக்கெட் கவுன்சிலின் டெஸ்ட் தரவரிசைப் பட்டியலில் சிம்பாவே அணி மீண்டும் இடம்பிடிக்க உள்ளது.

கடந்த 2006ம் ஆண்டிலிருந்து 2011ம் ஆண்டு ஆகஸ்ட் வரை டெஸ்ட் போட்டிகளிலிருந்து சிம்பாவே அணி விலகியிருந்தது. இதனையடுத்து அந்த அணி டெஸ்ட் தரவரிசையில் இருந்து நீக்கப்பட்டது.

தற்போது பாகிஸ்தான் அணி சிம்பாவேக்கு சுற்றுப்பயணம் மேற்கொண்டு விளையாடி வருகிறது. இவ்விரு அணிகளும் மோதும் 2 போட்டிகள் கொண்ட டெஸ்ட் தொடர் இன்று நேற்று ஆரம்பமாகியது.

இத்தொடர் முடியும் போது பட்டியலில் சிம்பாவே இடம் பிடிக்கும்.
இரண்டு போட்டிகளை வெல்லும் பட்சத்தில் 47 புள்ளிகளும், 1-0 என்ற நிலையில் 43 புள்ளிகளும், 0-0 அல்லது 1-1 என்ற நிலையில் 34 புள்ளிகளும் பெறும்.