சீனாவில் குழந்தையொன்று கண்கள் எதுவுமின்றி பிறந்துள்ளது. இக் குழந்தை Anophthalmia எனும் அரிய வகை நோயினால் பாதிக்கப்பட்டுள்ளதாகவும் ஒரு இலட்சம் குழந்தைகளில் ஒன்றுக்கு இத்தகைய பாதிப்பு ஏற்படுவ தாகவும் தெரிவிக்கப்படுகிறது.
லியூ பெய்ஹூவா எனும் பெண், கடந்த 20 ஆம் திகதி இக் குழந்தையை பிரசவித்துள்ளார். இக் குழந்தைக்கு இந்த பாதிப்பு ஏற்பட்டுள்ளமை குறித்து பிரசவத்துக்கு முன்னர் அறியப்படவில்லை என சீன ஊடகங்கள் தெரிவித்துள்ளன.
சீனாவின் குவாங்ஸோ நகரில் தனது குழந்தைக்கு விசேட சிகிச்சையை லியூ பெய்ஹுவா நாடியுள்ளார்.
இக் குழந்தையின் எதிர்காலத்துக்கு தொண்டர் அமைப்புகள் உதவ வேண்டும் என இக் குடும்பத்தினர் எதிர்பார்க்கின்றனர்.
