பாடல் வீடியோவொன்றில் பாடகர் ஒருவரை கட்டிப்பிடித்து நடித்ததால் நைஜீரிய நடிகை ரெஹாமா சாதோவுக்கு படங்களில் நடிக்க தடை விதிக்கப்பட் டுள்ளது
22 வயதான ரெஹாமா சாதோ, நைஜீரியாவின் ஹவுஸா மொழி திரைப்படங் களில் நடித்து வருபவர். ஹொலிவூட், பொலிவூட், கோலிவூட் போன்று, நைஜீரியாவின் வட பிராந்தியத்திலுள்ள கெனோ நகரைத் தளமாகக் கொண்ட ஹவுஸா மொழி திரைப்படத்துறையானது கென்னிவூட் என அழைக்கப்படுகிறது.
கென்னிவூட் திரைப்படத்துறையில் முன்னிலை நடிகைகளில் ஒருவராக ரெஹாமா சாதோ விளங்குகிறார். கடந்த வருடம் நடைபெற்ற 19 ஆவது ஆபிரிக்கத் திரைப்பட விழாவில் சிறந்த ஆபிரிக்க நடிகைக்கான விருதையும் ரெஹாமா சாதோ வென்றார்.
கென்னிவூட்டின் அரசி என அவர் வர்ணிக்கப்படுகின்றமை குறிப்பிடத்தக்கது. இந்நிலையில், பாடல் வீடியோவொன்றில் பாடகர் கிளேசிக்குடன் (ClassiQ) ரெஹாமா சாதோ இணைந்து நடித்தார்.
இவ் வீடியோவில் பாடகர் கிளேசிக்கை அரவணைத்தவாறு ரெஹாமா நடித்த மைக்கு எதிர்ப்பு தெரிவிக்கப்பட்டது.
இதையடுத்து, நடிகை ரெஹமா சாதோ படங்களில் நடிப்பதற்கு தடை விதிப்பதாக ‘மோப்பான்’ எனும் நைஜீரிய திரைப் பட சங்கம் தெரிவித்துள்ளது.
இதன்படி, கென்னிவூட் திரைப்படங்களில் நடிப்பதற்கு ரெஹாமா அனுமதிக்கப் பட மாட்டார். ”இதற்கு முன்னரும் ரெஹாமாவுக்கு எச்சரிக்கை விடுக்கப்பட்டி ருந்தது.
ஆனாலும் அவர் தொடர்ந்தும் எமது மதிப்பை பாதிக்கும் வகையில் செயற்படுகி றார்” என மேற்படி சங்கத்தின் தலைவர் மொஹம்மது கபீரு மெய்கபா தெரிவித் துள்ளார்.
சினிமாவுக்கு எதிரானவர்களின் எதிர்ப்புகளிலிருந்து கென்னிவூட் திரைப்படத் துறையை பாதுகாக்க வேண்டிய அழுத்தத்தில் மேற்படி அமைப்பு உள்ளதாக கூறப்படுகிறது.
இந்நிலையில், தனது நடவடிக்கைக்காக தான் மன்னிப்புக் கோரு வதாக நடிகை ரெஹாமா சாதோ கூறியுள்ளார். நடிகை ரெஹாமா சதோவுக்கு ஏற்பட்ட நெருக்கடிகள் தொடர்பாக தான் கவலை யடைவதாக பாடகர் கிளேசிக் கூறியுள்ளார்.
