விஷால் நடிப்பில் உருவாகியுள்ள மதகஜராஜா நாளை வெளியாகவுள்ள நிலையில் அவருக்கு இரத்த அழுத்தம் குறைந்துவிட்டதாகவும், இதனால் உடனடியாக அவர் சென்னை அடையாறில் உள்ள ஒரு தனியார் வைத்தியசாலையில் அனுமதிக்கப்பட்டு சிகிச்சை பெற்று வருகிறார் என்றும் பரபரப்பான செய்திகள் வெளியாயின.
ஆனால் இந்த செய்திகளை விஷால் மறுத்துள்ளார். இதுகுறித்து அவர் வெளியிட்டுள்ள அறிக்கையில் கூறியிருப்பதாவது..
என்னுடைய தயாரிப்பில் நான் நாயகனாக நடித்து வரும் பாண்டியநாடு படத்துக்காக கடந்த 10 நாட்கள் தொடர்ச்சியாக படப்பிடிப்பில் கலந்துகொண்டேன்.
அதேபோல் நாளை வெளியாகவுள்ள மதகஜராஜா படத்துக்காகவும், புரமோஷன் வேலைகளுக்காக பல்வேறு ஊடகங்களுக்கு சென்று வந்தேன்.
இதனால் மனஉளைச்சல் ஏற்பட்டு என் உடலுக்கும் மனதுக்கும் ஓய்வு கிடைக்கவில்லை. ஆகையால் உடல் பரிசோதனைக்காக ஒரு தனியார் மருத்துவமனைக்கு சென்றேன்.
என்னை பரிசோதித்த வைத்தியர்கள் எனக்கு முழுமையான ஓய்வு தேவை என்று சொன்னார்கள். அவர்கள் அறிவுரைப்படி தற்போது நான் முழு ஓய்வில் இருக்கிறேன்.
மற்றபடி என் உடம்புக்கு எந்த பிரச்சினையும் இல்லை. நல்ல உடல் ஆரோக்கியத்துடன்தான் இருக்கிறேன் என்று அவர் கூறியிருக்கிறார்.
