கிரிக்கெட் வீரர் வீராட் கோலி பொலிவுட் நடிகை அனுஷ்கா சர்மாவுடன் இணைந்து சல்சா நடனம் ஆடியுள்ளார்.
இந்திய கிரிக்கெட் அணியின் இளம் வீரர் வீராட் கோலி. 24 வயதான இவர் தனது சிறப்பான ஆட்டத்தினால் துணை அணித்தலைவர் அந்தஸ்துக்கு உயர்ந்தார்.
சிம்பாவே தொடரில் அணித்தலைவராக அசத்திய கோலி ஒருநாள் தொடரை முழுமையாக வென்று இந்திய அணி கிண்ணம் கைப்பற்ற உதவினார்.
அடுத்தடுத்த வெற்றிகளால் இவரது விளம்பர வருமானம் கொடி கட்டி பறக்கிறது. மொபைல் போன், குளிர்பானம் உட்பட பல பொருட்களுக்கு மொடலாக தோன்றுகிறார்.
தற்போது போட்டிகள் இல்லாத நிலையில் கிடைத்துள்ள ஓய்வில் பல விளம்பரங்களில் மொடலாக நடிக்கத் தொடங்கிவிட்டார். சமீபத்தில் ஷம்பு ஒன்றின் விளம்பரத்துக்காக பாலிவுட் நடிகை அனுஷ்கா சர்மாவுடன் இணைந்து சல்சா நடனம் ஆடினார்.
