இங்கிலாந்து நாடாளுமன்ற உறுப்பினர்கள் ஆபாச படம் பார்த்ததாக தகவல்கள் வெளியாகி பரபரப்பை ஏற்படுத்தியுள்ளது. நாடாளுமன்ற உறுப்பினர்கள் மட்டுமல்லாமல் அவர்களது உதவியாளர்களும் கூட ஆபாச படம் பார்த்துள்ளனர்.
கடந்தாண்டு மட்டும் கிட்டத்தட்ட 3 லட்சம் ஆபாச இணையதளங்களை பார்த்துள்ளதாக பிரபல நாளிதழ் தகவல் வெளியிட்டுள்ளது.
அதாவது, சராசரியாக ஒரு நாளைக்கு 820 ஆபாச இணையதளங்களை இவர்கள் பார்த்து ரசித்துள்ளனர்.
அதேசமயம் இவர்கள் வேண்டும் என்று இவற்றைப் பார்க்கவில்லையாம்.
மாறாக ஏதாவது இணையதளத்தைத் திறக்கும்போது வரும் போப் அப் சைட்களைத்தான் போய்ப் பார்த்தார்கள் என்று அதிகாரிகள் கூறுகிறார்கள்.
இதிலிருந்து ஆபாச தளங்களை பார்க்க நாடாளுமன்ற உறுப்பினர்களும், அவர்களது உதவியாளர்களும் நிறைய நேரத்தை செலவிடுவதாக தெரியவந்துள்ளது என இங்கிலாந்து வரி கட்டுவோர் அமைப்பை சேர்ந்த மாத்யூ சின்க்ளேர் தெரிவித்துள்ளார்.
மேலும் இதனை விட்டு விட்டு மக்களுடைய பிரச்னைகளை தீர்க்க நேரத்தை செலவிட்டால் நல்லது என்றும் தெரிவித்துள்ளார்.
