சகோதர்கள் இருவர் சேர்ந்து தனது சகமாணவனை கொடூரமாக தாக்கும் வீடியோ சமூக வலைத்தளங்களில் வைரலாகி வருகின்றது.
பீகார் மாநிலம் முஜாபர்பூரில் செயல்பட்டு வரும் கேந்திரிய வித்யாலயா பள்ளியில் இந்த தாக்குதல் சம்பவம் நிகழ்ந்துள்ளது. அண்ணன் தம்பிகளான விக்கி மற்றும் விஷால் மற்றும் அவர்களது நண்பர்கள் சேர்ந்து ஒரு ரவுடி கும்பல் போல, அவர்களின் சொல்பேச்சு கேட்காத, அவனது சக மாணவனை கண்மூடித்தனமாக அடித்து உதைத்துள்ளனர்.
அடிதாங்க முடியாமல் காப்பாற்ற அழைக்கும் அந்த மாணவன் எழுந்து நிற்க அவரை மேலும் அடித்து துவைத்ததோடு, பெல்ட் மற்றும் ஷூவால் வலுவாக அடிக்கின்றனர்.
இதை யாரோ சக மாணவன் தனது மொபைல் போனில் வீடியோ பிடித்து சமூக வலைத்தளங்களில் பதிவேற்றியுள்ளார். வீடியோவை பார்த்த பொலிஸார், பள்ளிக்கு வந்து விசாரணை நடத்தியுள்ளனர்.
