பிரித்தானியா நாட்டில் Coronation Street என்னும் பிரபலமான தொலைகாட்சி நிகழ்ச்சி ஒளிபரப்பாகி வருகிறது.
இதில் நடித்து புகழ் பெற்றவர் நடிகை Debbie Rush (50) ஆவார். இந்நிலையில் Coronation Street நிகழ்ச்சியில் Debbieஐ வைத்து ஒரு திரில்லான நிகழ்வை நடத்த அந்த நிகழ்ச்சியின் தயாரிப்பாளர் முடிவு செய்தார்.
அதன் படி சாலையில் தீவிபத்து நடப்பது போலவும் அதில் Debbieயின் உடலில் தீப்பற்றி எரிவது போலவும் காட்சியை எடுக்கப்போவதாகவும் முடிவு செய்தார்.
அதை அந்த நடிகையிடம் அந்த தயாரிப்பாளர் சொல்ல, அவர் அதை சந்தோஷமாக செய்வதாக ஏற்று கொண்டார். படப்பிடிப்பு நடக்கும் நாளன்று நடிகை Debbie தன் கணவர் Andrewsயும் உடன் அழைத்து சென்றார். பின்னர் படப்பிடிப்பு தொடங்கியவுடன், நடிகையின் உடலில் தீப்பற்றி கொள்வது போலவும் அதை அருகில் இருந்தவர்கள் அணைப்பது போலவும் காட்சி எடுக்கப்பட்டது.
இந்த காட்சியை அருகிலிருந்து பார்த்த அவர் கணவர் அதிர்ச்சியில் கத்தி உறைந்து போனார். பின்னர் அவரை அங்கிருந்தவர்கள் சமாதானப்படுத்தினார்கள்.
இது பற்றி நடிகை Debbie Rush கூறுகையில், என் நடிப்பு திறமைக்கு தீனி போடும் வகையில், இந்த அபாய காட்சி இருந்ததால் அதை செய்ய நான் ஒத்து கொண்டேன். நெருப்பு என் உடலை சுடாதவாறு ஒரு வித க்ரீமை என் உடலில் படகுழுவினர் பூசினார்கள்.
ஆனாலும் நான் ஒரு வித பயத்துடன் தான் இந்த காட்சியின் நடித்தேன். இந்த காட்சியை பார்ப்பற்காக என் கணவரையும் அழைத்து சென்றேன்.
அவருக்கு பத்து வயதாக இருக்கும் போது ஒரு தீ விபத்தில் சிக்கினார். அதனால் தான் நான் தீயில் எரிவது போல காட்சியை எடுக்கும் போது அவர் அலறி துடித்துவிட்டதாக தான் கருதுவதாக அவர் தெரிவித்துள்ளார்.
