டெர்பிஷயர் அணிக்கு எதிரான கவுண்ட் போட்டியில் பியுஸ் சாவ்லா 10 விக்கெட் கைப்பற்றி சாதனை படைத்தார்.
இங்கிலாந்தில் உள்ளூர் அணிகள் பங்கேற்கும் கவுன்டி போட்டிகள் நடந்து வருகிறது.
இதில் டான்டன் நகரில் கடந்த 3ம் திகதி தொடங்கிய நான்கு நாள் போட்டியில் சமர்சட்- டெர்பிஷயர் அணிகள் மோதின.
முதல் இன்னிங்சில் சமர்சட் அணி 103 ஓட்டங்களும், டெர்பிஷயர் 298 ஓட்டங்களும் எடுத்தன. சுழலில் அசத்திய பியுஸ் சாவ்லா 5 விக்கெட் கைப்பற்றினார்.
இரண்டாவது இன்னிங்சில் சமர்சட் அணி 438 ஓட்டங்கள் எடுத்தது.
இதனையடுத்து 244 ஓட்டங்கள் எடுத்தால் வெற்றி என்ற இலக்கோடு டெர்பிஷயர் அணி இரண்டாவது இன்னிங்சை தொடக்கியது.
சந்தர்போல்(74*), ஸ்லாட்டர்(59) கைகொடுக்க டெர்பிஷயர் அணி 8 விக்கெட்டுக்கு 244 ஓட்டங்கள் எடுத்து வெற்றி பெற்றது.
மீண்டும் துல்லியமாக பந்துவீசிய பியுஸ் சாவ்லா 5 விக்கெட் வீழ்த்தினார்.
அபாரமாக பந்துவீசிய சாவ்லா இரண்டு இன்னிங்சிலும் சேர்த்து 10 விக்கெட் கைப்பற்றிய போதும் சமர்சட் அணி தோல்வி அடைந்தது.
கவுன்டி போட்டியில் சமர்சட் அணிக்காக மூன்று முதல் தர போட்டியில் விளையாடிய இவர் இதுவரை 13 விக்கெட் வீழ்த்தியுள்ளார் என்பது குறிப்பிடத்தக்கது.
