அடுத்த மாதம் பங்களாதேஷ் சுற்றுப்பயணம் செய்யவுள்ள நியூசிலாந்து அணி இரண்டு டெஸ்ட், மூன்று ஒருநாள் மற்றும் ஒரே ஒரு சர்வதேச T20 போட்டி கொண்ட தொடரில் பங்கேற்கிறது.
டெஸ்ட் போட்டிகள் சிட்டகாங் (ஒக்டோபர் 9-13), தாகாவில் (ஒக்டோபர் 21-25) நடக்கிறது. இத்தொடருக்கான 15 பேர் கொண்ட நியூசிலாந்து அணி அறிவிக்கப்பட்டது.
இதில் அறிமுக வீரராக சுழற்பந்து வீ்ச்சாளர் இஷ் சோதி தெரிவு செய்யப்பட்டார். 20 வயதான இவர், 1992ல் இந்தியாவின் பஞ்சாப் மாநிலம் லூதியானாவில் பிறந்தார்.
இதன்மூலம் நியூசிலாந்து அணியில் இடம் பிடித்த மூன்றாவது இந்திய வம்சாவளி வீரரானார். முன்னதாக தீபக் படேல், ஜீதன் படேல் ஆகியோர் நியூசிலாந்துக்காக விளையாடினர்.
சமீபத்தில் ஒருநாள் மற்றும் சர்வதேச T20 போட்டியில் அறிமுகமான சகலதுறை வீரர் கோரி அண்டர்சன் டெஸ்ட் போட்டிக்கு முதன்முறையாக தெரிவு செய்யப்பட்டார்.
டேனியல் விட்டோரி, மார்டின் கப்டில், டிம் சவுத்தி ஆகியோர் காயம் காரணமாக இடம் பெறவில்லை. சவுத்தியின் காயம் குணமடையும் பட்சத்தில் கடைசி நேரத்தில் தெரிவு செய்யப்படலாம்.
அணி விவரம்: பிரண்டன் மெக்கலம் (அணித்தலைவர்), பீட்டர் புல்டன், ஹமிஷ் ரூதர்போர்டு, வில்லியம்சன், ரோஸ் டெய்லர், டீன் பிரவுன்லி, வாட்லிங், டொம் லதாம், கோரி அண்டர்சன், பிரேஸ்வெல், நீல் வாக்னர், டிரன்ட் பவுல்ட், மார்க் கில்லஸ்பி, இஷ் சோதி, புரூஸ் மார்டின்.
