தமிழ் திரையுலகில் இது வரை காணாத ஸ்டைலில் வருகிறது கோச்சடையான் படம். இதில் ரஜினியும் புது அவதாரம் எடுத்துள்ளார். இதிகாச காலத்தில் வாழ்ந்த மன்னன், இளவரசனாக இரு வேடங்களில் மிரட்டுகிறார். இதற்காக பிரத்யேக ஆடைகளை வடிவமைத்து அணிய செய்துள்ளனர். பழைய எம்.ஜி.ஆர்., சிவாஜியின் வரலாற்று படங்களில் பார்க்காத ஆடைகளை கோச்சடையானில் பார்க்கலாம்.
சண்டையிலும் புதுயுக்தி புகுத்தியுள்ளனர். ரஜினி வாளுடன் புயலாய் சுழன்று எதிரிகள் தலைகளை வெட்டி எறியும் காட்சிகளில் ஹொலிவுட்டையே மிஞ்சும் படி இருக்கும் என்கின்றனர். வெளிநாட்டு நிபுணர்களை வைத்து கிராபிக்ஸ் பணிகளை செய்துள்ளதால் யுத்த காட்சிகள் மிரள வைக்குமாம்.
தமிழ் ரசிகர்களுக்கு புது அனுபவத்தை அள்ளி கொடுக்க வரும் இப்படத்தை ரஜினி சமீபத்தில் பார்த்து பிரமாதம் என கைதட்டி பாராட்டி மகள் சவுந்தர்யாவை தட்டி கொடுத்துள்ளார். ரஜினிக்கு படம் மிகவும் பிடித்து போனது என்றார் இயக்க மேற்பார்வை பணிகளை கவனித்த கே.எஸ்.ரவிக்குமார். இப்படத்துக்கான மொத்த செலவு 125 கோடி என்கின்றனர்.
