சச்சின் டெண்டுல்கர் கிரிக்கெட்டில் படைக்காத சாதனையே இல்லை என்னும் அளவிற்கு பல சாதனைகளை நிகழ்த்தியுள்ளார். ஆனால் சாதனை நாயகன் சச்சினும் படைக்க முடியாத ஒரு சாதனை இருக்கிறது. எல்லா நாடுகளிலும் டெஸ்ட் போட்டிகளிலும் சதம் போட்டுள்ள சச்சின், சிம்பாவே நாட்டில் மட்டும் இதுவரை ஒரு டெஸ்ட் போட்டியிலும் சதம் அடித்ததில்லை.
200வது டெஸ்ட் போட்டியைக் காணவுள்ள சச்சின் இந்த ஒரு விடயத்தை மட்டும் இதுவரை நிறைவேற்ற முடியாமல் இருக்கிறார்.
சச்சின் டெண்டுல்கர் 200வது டெஸ்ட் போட்டியை ஆடவுள்ளதே ஒரு சாதனைதான். காரணம், உலகில் இதுவரை எந்த ஒரு வீரரும் 200 டெஸ்ட் போட்டிகளில் ஆடியதில்லை.
சச்சின் இதுவரை போய் விளையாடியுள்ள அத்தனை நாடுகளிலும் சதம் போட்டுள்ளார். ஆனால் சிம்பாவேயில் மட்டுமே இதுவரை அவர் சதம் போட்டதில்லை. சிம்பாவேயில் 4 டெஸ்ட் போட்டிகளில் மட்டுமே ஆடியுள்ள சச்சின், அதிகபட்சமாக 74 ஓட்டங்கள் வரை எடுத்துள்ளார்.
தற்போதைக்கு சிம்பாவேக்கு இந்திய அணி செல்லும் வாய்ப்புகள் இல்லை என்பதால் இந்த ஒரு விடயத்தை மட்டும் சச்சினால் நிறைவேற்ற முடியாது என்றே கருதப்படுகிறது.
சிம்பாப்வேக்குப் போய்த்தான் சதம் போடவில்லையே தவிர இந்தியாவுக்கு சிம்பாவே வந்திருந்தபோது அந்த அணிக்கெதிராக சதம் அடித்துள்ளார்.
டெஸ்ட் போட்டிகளில் ஆடும் அத்தனை நாடுகளுக்கெதிராகவும் சதம் அடித்த சாதனைக்குரியவர் சச்சின். ஆனால் சச்சின் படைக்காத சாதனையை ராகுல் டிராவிட் செய்துள்ளார். அதாவது டெஸ்ட் விளையாடும் 10 அணிகளின் நாடுகளிலும் அவர் சதம் போட்டுள்ளார்.
