ஜப்பான் நாட்டை கலக்கியுள்ளார் முன்னாள் கனவு கன்னி ஸ்ரீதேவி.
ஜப்பானின் ஆய்சி திரைப்பட விழாவில் திரையிடப்பட்ட ஸ்ரீதேவியின் இங்கிலீஷ் விங்கிலீஷ் படத்திற்கு ஜப்பான் பெண்கள் மத்தியில் பெருவாரியான ஆதரவு கிடைத்துள்ளதாம்.
ஸ்ரீதேவியின் படம் இதுவரை ஜப்பானில் திரையிடப்பட்டதில்லை. இந்நிலையில் அவரது இங்கிலீஷ் விங்கிலீஷ் விரைவில் திரைக்கு வரவுள்ளது.
ஆனால் படம் வருவதற்கு முன்பே பட விழாவில் அவரது படம் கலக்கி விட்டதாம். செப்டம்பர் 1ம் திகதி நடந்த ஆய்சி திரைப்பட விழாவில் இங்கிலீஷ் விங்கிலீஷ் திரையிடப்பட்டபோது அதற்கு பெண்கள் மத்தியில் பிரமாதமான வரவேற்பு கிடைத்ததாம்.
பட விழாவில் ஸ்ரீதேவி படத்தைப் பார்த்து அவரது ரசிகையாகி விட்ட ஜப்பான் பெண்கள் தற்போது ஸ்ரீதேவியை நேரில் பார்க்கத் துடிக்கிறார்களாம்.
