இந்திய கிரிக்கெட் அணியின் வேகப்பந்து வீச்சாளர் ஷகீர்கான் தென் ஆப்ரிக்காவில் பயிற்சி மேற்கொள்ள உள்ளார். உடற்தகுதி இல்லாததால் கடந்த சில தொடர்களில் ஷகீர்கான் இடம்பெறவில்லை.
இதனையடுத்து தனது உடற்தகுதியை மீண்டும் பழைய நிலைக்கு கொண்டு வருவதற்காக பிரான்ஸ் நாட்டில் 6 வாரம் பயிற்சி மேற்கொண்டார்.
இந்நிலையில் தற்போது தனது பந்துவீச்சு திறனை மீண்டும் மேம்படுத்துவதற்காக தென் ஆப்ரிக்காவுக்கு சென்று பயிற்சி பெற உள்ளார்.
கடந்த 6ம் திகதியே தென் ஆப்ரிக்கா செல்ல முயன்றும் விசா கிடைக்காத காரணத்தால் முடியாமல் போனது. அங்கு கேப்டவுன் சென்று இந்திய அணியின் முன்னாள் பயிற்சியாளர் கரி கிறிஸ்டனிடம் பயிற்சி எடுக்கிறார்.
3 வாரம் அவரிடம் பயிற்சி எடுக்க திட்டமிட்டுள்ளதாக தகவல்கள் வெளியாகியுள்ளது.
