சென்னையில் நேற்று நடைபெற்ற நடிகர் சங்க பொதுக்கூட்டத்தில் நடந்த கலவரத்தால் நடிகர்களின் கார் மற்றும் அலுவலகம் தாக்கப்பட்டதால் அப்பகுதியில் சிறிது நேரம் பரபரப்பு ஏற்பட்டது.
நடிகர் சங்க பொதுக் குழு கூட்டம் பல எதிர்ப்புகளுக்கிடையே நடிகர் சங்க வளாகத்தில் நேற்று நடைபெற்றது. பாதுகாப்புக்காக ஏராளமான பொலிசார் அங்கு குவிக்கப்பட்டி ருந்தனர்.
இந்த நிலையில் திடீரென்று இரு குழுவினருக்கும் இடையே வாக்குவாதம் ஏற்பட்டு பின்னர் அது கைகலப்பில் எட்டியது. இதனையடுத்து பொலிசார் கலவரத்தை கட்டுக்குள் கொண்டுவர தடியடி நடத்தினர்.
இந்த களேபரத்தினிடையே நடிகரும் எம்.எல்.ஏவுமான கருணாஸின் கார் தாக்கப்பட்டதாகவும், சென்னை வடபழனியில் உள்ள நடிகர் விஷாலின் அலுவலகம் அடித்து நொறுக்கப்பட்டதாகவும் கூறப்படுகிறது. மேலும் அவருடைய சொகுசு கார்களும் அடித்து நொறுக்கப்பட்டதாக கூறப்படுகிறது.
