மகாராஷ்டிரா முதல்வர் தேவேந்திர பட்னாவிஸ்ஸின் மனைவி அம்ருதா, பாலிவுட் சூப்பர் ஸ்டார் அமிதாப்பச்சனுடன் சேர்ந்து ஆட்டம் போட்டதற்கு எதிர்மறையான விமர்சனங்கள் எழுந்துள்ளன.
ஹை-ஹீல்ஸ் செருப்பு அணிந்து, முட்டிக்கு மேல் வரையிலான ஒரு குட்டை ஆடையை போட்டுக்கொண்டு அமிதாப்புடன், அம்ருதா ஆடும் காட்சியை அமிதாப் தனது டிவிட்டர் கணக்கில் ஷேர் செய்துள்ளார்.
ஆனால் ஒரு முதல்வரின் மனைவியாக இருந்து கொண்டு, அவர் இவ்வாறு நடந்துகொண்டது சற்று அதிருப்தியை ஏற்படுத்தியுள்ளதாக பலரும் கருத்து வெளியிட்டு வருகின்றனர்.
பெண்ணியவாதி எழுத்தாளர் ஷோபா டே, அம்ருதாவுக்கு சபாஷ் கூறியுள்ள நிலையில், மகாராஷ்டிரா காங்கிரஸ் தலைவர், ரூபாய் நோட்டுக்காக மக்கள் செத்துக்கொண்டிருக்கும்போது, அதனால் பலன்பெற்றவர்கள் ஆடிக்கொண்டுள்ளார்கள் என்று விமர்சனம் செய்துள்ளார்.
