ஸ்ரீலங்கா சுதந்திரக் கட்சியின் வவுனியா மாவட்ட செயற்குழு கூட்டம் வவுனியாவில் இடம்பெற்றுள்ளது.
குறித்த கூட்டமானது இன்று(04.12.2016) ஹொறவப்பொத்தான வீதியில் அமைந்துள்ள தனியார் விருந்தினர் விடுதியில் வன்னி பாராளுமன்ற உறுப்பினரும் அக்கட்சியின் வன்னிமாவட்ட அமைப்பாளருமான கே.கே.மஸ்தான் தலைமையில் நடைபெற்றது.
இதேவேளை வவுனியா மாவட்ட சுதந்திரக் கட்சி உறுப்பினர்கள் மத்தியில் 25 உறுப்பினர்களைக் கொண்ட செயற்குழு தெரிவு செய்யப்படவுள்ள நிலையில் அது தொடர்பில் இதில் கலந்துரையாடப்பட்டுள்ளது.
கட்சியின் மாவட்ட மட்ட செயற்பாடுகள், உள்ளூராட்சி சபையை எதிர்கொள்ளும் முறைகள் தொடர்பில் கலந்துரையாடப்பட்டது.
இந்நிகழ்வில் சுதந்திரகட்சியின் இளைஞர் அணி உறுப்பினரும் மாவட்ட பட்டதாரிகள் சங்கத்தின் தலைவருமான எஸ்.ஆனந்தராஜா, ஜனாதிபதி அலுவலக இணைப்பாளர்களான ஜகத்கமல்கொட, எஸ்.பத்மநாதன் மற்றும் கட்சி உறுப்பினர்கள் எனப்பலரும் கலந்துகொண்டமை குறிப்பிடத்தக்கது.
