இந்திய ஏ அணியில் ஷேவாக், கம்பீர், ஷகீர் கான்!!

மேற்கிந்திய தீவுகள் அணிக்கு எதிரான பயிற்சி போட்டிகளில் விளையாடும் இந்திய ஏ அணியில் ஷேவாக், கம்பீர், ஷகீர் கான் இடம்பெற்றுள்ளனர்.

இந்தியாவுக்கு சுற்றுப்பயணம் மேற்கொள்ளும் மேற்கிந்திய தீவுகள் அணி இரண்டு டெஸ்ட், மூன்று ஒருநாள் போட்டிகள் கொண்ட தொடரில் பங்கேற்கவுள்ளது.

முதல் போட்டி மைசூரில்(செப்டம்பர் 25-28) நடக்கிறது. அடுத்த இரு போட்டிகள் ஷிமோகா(ஒக்டோபர் 2-5), ஹூப்ளியில் (ஒக்டோபர் 9-12) என நடக்கவுள்ளன.

இதற்கான ஏ அணியை இந்திய கிரிக்கெட் சபையின் தெரிவுக்குழு நேற்று அறிவித்தது. இதில் அணித்தலைவராக புஜாரா நியமிக்கப்பட்டார் ஜம்மு காஷ்மீரை சர்ந்த பர்வேஷ் ரசூல் மூன்று போட்டிகளிலும் இடம்பெற்றுள்ளார்.

மேலும் இந்திய அணியிலிருந்து தொடர்ந்து புறக்கணிக்கப்பட்டு வந்த ஷேவாக், கம்பீர் மற்றும் ஷகீர் கான் போன்றோர் கடைசி இரு போட்டிகளில் இடம்பெற்றுள்ளனர்.

இப்போட்டிகளில் திறமை வெளிப்படுத்தும் பட்சத்தில் மேற்கிந்திய தீவுகள் அணிக்கு எதிரான டெஸ்ட் தொடரில் இடம் பெற வாய்ப்பு அதிகரித்துள்ளது.

இதுகுறித்து டிராவிட் கூறுகையில் இந்திய ஏ அணியில் இடம் பெற்றுள்ள மற்றவர்களை விட ஷேவாக், கம்பீர் உள்ளிட்ட மூத்த வீரர்களுக்கு சர்வதேச போட்டிகளில் விளையாடிய அனுபவம் உள்ளது.

எனவே இத்தொடரில் சாதிப்பதன் மூலம் தேசிய அணியில் இடம்பெற வாய்ப்பு உள்ளதாக தெரிவித்துள்ளார்.

அணி விவரம்:

புஜாரா(அணித்தலைவர்), கம்பீர், ஷேவாக், ஜக்சன், அபிஷேக், டோக்ரா, உதய் கவுல் (விக்கெட் காப்பாளர்), பர்வேஸ் ரசூல், பார்கவ் பாட், குல்கர்னி, ஷகீர் கான், ஈஷ்வர் பாண்டே, முகமது ஷமி மற்றும் முகமது கைப்.