நேபாள கிரிக்கெட் சங்க ஆண்டு விழா மலரின் அட்டைப்படத்தில் ஷேவாக் படத்தை வெளியிட்டமை பெரும் சர்ச்சையை கிளப்பியுள்ளது.
சி.ஏ.என். சார்பில் இந்த ஆண்டுக்கான மலர் வெளியிடப்பட்டது.
இதில் வெளியான படங்கள் குறித்து நேபாள கிரிக்கெட் நிர்வாகிகள் அக்கறை செலுத்தவில்லை. இதன் காரணமாக அட்டை படத்திலேயே தவறு நடந்தது.
நேபாள அணியின் சீருடையில் இந்திய வீரர் ஷேவாக்கின் படம் பிரசுரிக்கப்பட்டு இருந்தது. இதில் ஷேவாக் முகம் லேசாக மறைக்கப்பட்டுள்ளது. இருப்பினும் இது ஷேவாக் தான் என்பது தெளிவாக தெரிந்தது. இதனால் உள்ளூர் நேபாள வீரர்கள் கொதிப்படைந்தனர்.
முன்னாள் வீரர் ராஜூ பஸ்னயாத் கூறுகையில் நேபாள கிரிக்கெட் நிர்வாகிகள் தங்கள் நாட்டு வீரர்களை புறக்கணித்தது பெரும் அவமானம் என்றார்.
இதனை மறுத்த சி.ஏ.என். தலைமை கமிட்டி உறுப்பினர் கிரன் ராணா கூறிய போது..
அட்டையில் உள்ளது ஷேவாக் படம் தான். நன்கு கூர்ந்து கவனித்தால் இவரது முகம் லேசாக மறைக்கப்பட்டு இருக்கும். வேண்டுமேன்றே இதை செய்யவில்லை. முழுவதும் எங்கள் தரப்பில் நடந்த தவறு தான்.
ஷேவாக்கிற்கு நேபாளத்தில் அதிகமான ரசிகர்கள் உள்ளனர். இதை அச்சிட்ட உரிமையாளர் கூட ஷேவாக் ரசிகராக இருந்திருக்கலாம், உணர்ச்சி வசப்பட்டு இப்படி செய்துள்ளதாக தெரிவித்துள்ளார்.
