நடிகர் சங்கத்துக்கு புதிய கட்டிடம் கட்டுவதில் முறைகேடுகள் நடப்பதாக காமெடி நடிகர் குமரிமுத்து குற்றம் சாட்டினார். இதையடுத்து அவரிடம் நடிகர் சங்கம் விளக்கம் கேட்டது. இதற்கு குமரி முத்து அளித்த பதில் திருப்தி அளிக்காததால் நடிகர் சங்கத்தில் இருந்து நீக்கப்பட்டார்.
இதை எதிர்த்து குமரிமுத்து சென்னை சிட்டி சிவில் நீதிமன்றத்தில் வழக்கு தொடர்ந்தார். நடிகர் சங்கத்தில் இருந்து தன்னை நீக்கியது செல்லாது என்று உத்தரவிட வேண்டும் என்று மனுவில் குறிப்பிட்டு இருந்தார். இந்த வழக்கு நீதிபதி இந்திராணி முன்னிலையில் விசாரணைக்கு வந்தது. இரு தரப்பு வக்கீல் வாதங்களையும் கேட்ட நீதிபதி குமரிமுத்து மனுவை தள்ளுபடி செய்தார்.
முறைப்படி நடிகர் சங்க செயற்குகுழு கூட்டப்பட்டு நடவடிக்கை எடுத்துள்ளதாகவும் கேள்விகள் சம்பந்தமான விவரங்கள் பதிவேட்டில் குறிப்பிடப்பட்டு உள்ளதாகவும் அடிப்படை உறுப்பினர் பொறுப்பில் இருந்து நீக்கியதில் முறைகேடு நடக்கவில்லை என்றும் உத்தரவில் குறிப்பிடப்பட்டு உள்ளது.
