இந்தியாவுக்காக சச்சின் இன்னும் சிறிது காலம் விளையாடலாம் என இந்திய அணியின் முன்னாள் டெஸ்ட் வீரர் சேட்டன் சவுகான் தெரிவித்துள்ளார்.
இந்திய அணியின் மாஸ்டர் பேட்ஸ்மேன் சச்சின் ஒருநாள் மற்றும் சர்வதேச 20-20 போட்டிகளில் இருந்து ஓய்வை அறிவித்துள்ளார்.
எனினும் டெஸ்ட் போட்டிகளில் மட்டும் விளையாடி வருகிறார். இதுவரை 198 டெஸ்டில் விளையாடிய இவர் அடுத்து வரவுள்ள மேற்கிந்திய தீவுகள் அணிக்கு எதிரான தொடர் மூலம் 200 டெஸ்டில் விளையாடிய முதல் வீரர் என்ற புதிய உலக சாதனை படைக்க காத்திருக்கிறார்.
இத்தொடருக்கு பின் இவர் ஓய்வு பெறுவார் என எதிர்பார்க்கப்படுகிறது.
இதுகுறித்து இந்திய அணியின் முன்னாள் வீரர் சேட்டன் சவுகான் கிரிக்கெட் அரங்கில் பல்வேறு சாதனைகள் படைத்த சச்சின் தற்போதைக்கு ஓய்வு பெறத் தேவையில்லை.
இவர் இன்னும் சிறிது காலம் விளையாடலாம். இவர் கடந்த இரண்டு ஆண்டில் ஒரு முறை கூட டெஸ்ட் போட்டியில் சதம் அடிக்கவில்லை.
இருப்பினும் இவருக்கு டெஸ்டில் விளையாடக் கூடிய திறமையும், தகுதியும் நிறைய உள்ளன என்று தெரிவித்துள்ளார்.
