அவுஸ்திரேலியாவைச் சேர்ந்த பெண் ஒருவர், விமானத்தில் பயணம் செய்த போது, தனக்கு உணவுப் பொருட்களில் ஒன்று விநோதமான உருவத்தில் இருப்பதைக் கண்டு அதிர்ச்சியடைந்துள்ளார்.
இப் பெண் கடந்த வெள்ளிக்கிழமை சிட்னியிலிருந்து பிறிஸ்பேன் நகருக்கு அவுஸ்திரேலியாவின் கான்டாஸ் விமான சேவை நிறுவனத்தின் விமானத்தின் வர்த்த வகுப்பில் பயணித்தார்.
இதன்போது தனக்கு உண்பதற்காக வழங்கப்பட்ட உணவுப் பொதியில் 6 டப்லிங்ஸ்களுடன் விசித்திரமான உணவொன்றும் இருந்தது. இந்த உணவுப்பொருள் ஆணுறுப்பு போன்ற உருவத்தில் இருந்ததால் தான் அதிர்ச்ச்சியடைந்ததாக அப் பெண் தெரிவித்தார்.
அப் பெண் மேற்படி உணவுகளை படம் பிடித்து சமூக வலைத் தளங்களிலும் வெளியிட்டுள்ளார். உணவுப் பொதியிலிருந்த 6 டப்லிங்ஸ்களையும் தான் உட்கொண்டதாகவும் அவை சுவையாக இருந்ததாகவும் அவர் தெரிவித்துள்ளர்.
எனினும், விசித்திர தோற்றத்திலிருந்த உணவை தான் உட்கொள்ளவில்லை என அவர் கூறியுள்ளார். இதேவேளை, விசித்திர தோற்றத்திலிருந்த உணவானது அவிக்கப்பட்ட கிழங்கு வகையான தாவர உணவே என கான்டாஸ் நிறுவனம் தெரிவித்துள்ளது.
