வவுனியாவிற்கு விஜயம் மேற்கொண்டு வருகை தந்திருந்த புத்தசாசன மற்றும் நீதி அமைச்சர் விஜயதாச ராஜபக்ச இன்று வவுனியா வர்த்தக சங்கத்தினருடன் சந்திப்பு ஒன்றில் கலந்துகொண்டார்.
இன்று (23.12.2016) பிற்பகல் 1.30 மணியளவில் ஓவியா விருந்தினர் விடுதியில் வர்த்தக சங்கத் தலைவர் ரி.கே.இராலிங்கம் தலைமையில் இச் சந்திப்பு இடம்பெற்றது.
இச்சந்திப்பில் வவுனியா வர்த்தக உரிமையாளர்கள் தாம் எதிர்கொள்ளும் பல்வேறுபட்ட பிரச்சினைகள் தொடர்பாக ஆராயப்பட்டு அமைச்சரினால் சில விடயங்களுக்கு தீர்வுகள் பெற்றுக்கொடுக்கப்பட்டதாகவும் வர்த்தக சங்கத் தலைவர் தெரிவித்தார்.
இன்றைய சந்திப்பில் வவுனியா வர்த்தக சங்கத் தலைவர், செயலாளர், பொருளாலர், உறுப்பினர்கள் என பலரும் கலந்து கொண்டனர்.
