உலகளவில் இஸ்லாமிய பெண்களின் சுதந்திரத்திற்கு குரல் கொடுக்கும் வகையில் புரட்சிகரமான பாடல் ஒன்று இணையத்தில் வெளியாகி வைரலாகியுள்ளது.
குறிப்பாக சவுதி அரேபியாவில் ஆணாதிக்கத்திற்கு எதிராக குரல் கொடுக்கும் விதத்தில் உருவாக்கப்பட்டுள்ள இந்த பாடல் Majedalesa – Hwages என்ற தலைப்பில் யூடியூப்பில் வெளியிடப்பட்டுள்ளது.
குறித்த பாடலில், பர்தா அணிந்த இஸ்லாமிய பெண்கள் சுதந்திரமாக கார் ஓட்டுகின்றனர். கூடைப்பந்து விளையாடுகின்றனர், ஸ்கேட்டிங் செல்கின்றனர், ஆனந்தமாக நடனம் ஆடுகின்றனர்.
சமீபத்தில் நடந்த அமெரிக்க அதிபர் தேர்தலில் வெற்றிப்பெற்ற டொனால்ட் டிரம்பின் உருவப்படம் பாடலின் சில காட்சிகளில் தோன்றுகிறது.
அருமையான இசையில் உருவாகியுள்ள இந்த பாடலை இதுவரை சுமார் 31 லட்சம் பேர் பார்த்துள்ளனர்.
