வவுனியா கோவில்குளம் இந்துக்கல்லூரியின் 2017ம் ஆண்டுக்கான இல்ல விளையாட்டுப் போட்டியின் முதல் நிகழ்வாக ஆண் மற்றும் பெண்களுக்கான மரதன் ஓட்டம் இன்று 13.01.2016 கல்லூரியின் அதிபர் ரீ.பூலோகசிங்கம் தலைமையில் நடைபெற்றது.
இன் நிகழ்வினை பழைய மாணவர் சங்கத்தின் முன்னாள் செயலாளரும் ஆசிரியருமான கே.நிரஞ்சன் மற்றும் பழைய மாணவர் சங்கத்தின் முன்னாள் பொருளாளருமான எஸ்.தவச்செல்வன் ஆகியோர் ஆரம்பித்துவைத்தனர்.
கல்லூரியின் மரதன் ஓட்டத்தில் வெற்றிபெற்ற முறையே கே.நிசாந்தன், கே. நிசோபன் மற்றும் இ.கிரிதரன் ஆகியோருக்கான வெற்றிக் கேடயங்களை கல்லூரியின் அதிபர் ரீ.பூலோகசிங்கம் வழங்கினார்.
மரதன் ஓட்டத்தில் வெற்றிபெற்ற பெண்களுக்கான பிரிவில் முறையே எஸ்.தினோதியா, சா.சானுஜா மற்றும் எஸ்.சரணியா ஆகியோருக்கான வெற்றிக் கேடயங்களை கல்லூரியின் பிரதி அதிபர் திருமதி பி.உதயசேகரம் வழங்கினார்.
ஆண்கள் பிரிவில் முதலாம் மற்றும் இரண்டாம் இடங்களை வெற்றி பெற்ற மாணவர்கள் இருவரும் இரட்டையர்கள் என்பது குறிப்பிடத்தக்கது.
