ஆரம்பம் படத்தை தொடர்ந்து அஜீத் சிறுத்தை சிவா இயக்கத்தில் வீரம் என்ற படத்தில் நடித்து வருகிறார். இப்படத்தில் அவருக்கு ஜோடியாக தமன்னா நடிக்கிறார். இவர்களுடன் சந்தானம், விதார்த், அபிநயா ஆகியோரும் நடிக்கிறார்கள். தமன் இசையமைக்கிறார். படத்தை பொங்கலுக்கு வெளியிடப் போவதாக அறிவித்துள்ளார்கள்.
இந்த படத்தில் விதார்த்துக்கு ஜோடியாக அபிநயா நடிக்கிறாராம். படத்தில் ஒரு சில காட்சிகள் மட்டுமே நடித்தாலும், தன்னுடைய சிறப்பான நடிப்பால் அனைவரையும் கவர்கிறாம் அபிநயா. இவரின் நடிப்பைப் பார்த்து அஜீத் அசந்து போனாராம்.
இதனால், இயக்குனரை அழைத்து அபிநயா சம்பந்தப்பட்ட காட்சிகளை அதிகப்படுத்த சொல்லி இருக்கிறாராம். மேலும் படப்பிடிப்பு தளத்தில் அபிநயாவுக்கு ஆதரவாக அவருடன் நீண்ட நேரத்தை செலவிடுகிறாராம் அஜீத்.
