ஹிட் படங்களின் இரண்டாம் பாகங்கள் தயாராகின்றன. ஜெய்ஹிந்த் படத்தின் 2ம் பாகத்தை அர்ஜுன் இயக்குகிறார். முதல்வன் படத்தின் இரண்டாம் பாகமும் தயாராகிறது. சூர்யா நடித்த சிங்கம் படத்தின் இரண்டாம் பாகம் சிங்கம்2 என்ற பெயரில் ரிலீசானது.
முனி படத்தின் இரண்டாம் பாகம் காஞ்சனா என்ற பெயரில் வந்தது. அதன் மூன்றாம் பாகத்தையும் லோரன்ஸ் இயக்கி வருகிறார். அதுபோல் மணிரத்தினம் இயக்கி வெற்றிகரமாக ஓடிய ரோஜா படத்தின் இரண்டாம் பாகமும் தயாராகலாம் என எதிர்பார்க்கப்படுகிறது.
இதன் இரண்டாம் பாகத்தில் நடிக்க விரும்புவதாக மதுபாலா கூறினார். ரோஜா படத்தில் இவர்தான் நாயகியாக நடித்து இருந்தார். அவர் கூறும்போது, நீண்ட இடைவெளிக்கு பின் மீண்டும் நடிக்க வந்துள்ளேன். தெலுங்கு படமொன்றில் நடித்து வருகிறேன். ரோஜா படத்தின் இரண்டாம் பாகத்தை மணிரத்னம் இயக்கினால் அதில் நடிக்க ஆர்வமாக இருக்கிறேன் என்றார்
