கங்கா லீக் தொடரில் குறைந்த வயதில் 5 விக்கெட் வீழ்த்தி சாதித்தார் முஷீர் கான். மும்பை கிரிக்கெட் சங்கத்தின் சார்பில் 1948ம் ஆண்டு முதல் கங்கா லீக் கிரிக்கெட் தொடர் (19 வயது) நடத்தப்படுகிறது.
இந்த ஆண்டு 8 வயதில் ஸ்போர்ட்ஸ்பீல் கிரிக்கெட் கிளப் அணிக்காக களமிறங்கினார் முஷீர் கான். இடது கை சுழற்பந்து வீச்சாளரான இவர் கத்தோலிக் ஜிம்கானா அணிக்கெதிரான போட்டியில் 18 ஓவரில் 78 ஓட்டங்கள் கொடுத்து 5 விக்கெட் வீழ்த்தினார்.
65 ஆண்டு கங்கா லீக் தொடரில் குறைந்த வயது வீரர் ஒருவர் 5 விக்கெட் வீழ்த்துவது இது தான் முதன் முறை. பின் களமிறங்கிய ஸ்போர்ட்ஸ்பீல் அணி திணறியது. முஷீர் கான் சகோதரர் சர்ப்ராஸ் கான் 16, (பள்ளி கிரிக்கெட்டில் அதிக ஓட்டங்கள் குவித்த சச்சினின் சாதனையை முறியடித்தவர்) 65 நிமிடம் களத்தில் நின்று போட்டியை சமன் செய்ய (81/7) உதவினார்.
