சாட்டை படத்தின் மூலம் நாயகியாக அறிமுகமானவர் மகிமா. தற்போது ஜீவன் இயக்கும் மொசக்குட்டி, விஜய் வசந்த் ஜோடியாக ராஜபாண்டியன் இயக்கும் என்னமோ நடக்குது, வெங்கட் இயக்கும் புறவி 150 சிசி ஆகிய படங்களில் நடிக்கிறார்.
கவர்ச்சியாக நடிக்கும் நடிகைகளை மகிமா கடுமையாக சாடியுள்ளார். இதுகுறித்து அவர் கூறியதாவது..
நடிகைகள் சிலர் கவர்ச்சியாக நடிப்பதை வாடிக்கையாக வைத்துள்ளனர். கவர்ச்சியை மட்டும் வைத்து சினிமாவில் நிலைக்க முடியாது. திறமை வேண்டும். கவர்ச்சி நடிகைகளை ரசிகர்கள் ஓரம் கட்டிவிடுவார்கள்.
சினிமாவில் போட்டி இருப்பதால்தான் நடிகைள் கவர்ச்சி என்ற ஆயுதத்தை கையில் எடுக்கிறார்கள். ஆனால் அது நிரந்திரமாக உதவாது. நான் ஆபாசமாக நடிக்க மாட்டேன். தமிழில் 3 படங்கள் கைவசம் உள்ளன. தெலுங்கு படமொன்றிலும் ஒப்பந்தமாகியுள்ளேன் என்று கூறினார்.
