இருவரும் காதலிக்கவில்லை என்று வெளியில் சொல்லிக்கொண்டாலும் வழக்கம்போலவே சினிமா நூற்றாண்டு தொடக்க விழாவுக்கும் இயக்குநர் ஏ.எல்.விஜய்யும், அமலா பாலும் ஒன்றாகவே வந்தனர்.
சேலை, கொண்டை, கொண்டையைச் சுற்றிலும் மல்லிகைப்பூ என அச்சு அசல் தமிழ்ப் பெண்ணாக வந்திருந்தார் அமலா பால். இருவரும் சிரித்துப் பேசியபடியே அமர்ந்திருந்தனர்.
அவர்களுக்கு முன்வரிசையில் இருந்த சில இருக்கைகள் காலியானதும் அங்கு வந்து அமர்ந்தார் அனுஷ்கா. அவரைப் பார்த்ததும் விஜய்யைக் கழற்றிவிட்டு அனுஷ்காவுடன் போய் அமர்ந்து கொண்டார் அமலா பால்.
அவர்களுக்குப் பின்னால் பேசக்கூட ஆள் இல்லாமல் நீண்ட நேரம் தேமே என அமர்ந்திருந்தார் விஜய். அமலா பால் எங்கோ கிளம்பிச் செல்ல, அந்த இடத்தில் அமர்ந்து அனுஷ்காவுடன் பேசினார் விஜய்.
சிறிது நேரத்தில் அமலா பால் திரும்பி வர அந்த இடத்திலிருந்து கிளம்பி மறுபடியும் அவர்களுக்குப் பின்னிருக்கையில் வந்து அமர்ந்து கொண்டார்.
