இந்திய அணியின் முன்னாள் அணித் தலைவர் டிராவிட் தான் என் ஹீரோ என இளம் அவுஸ்திரேலிய வீரர் ஆஷ்டன் ஏகார் தெரிவித்துள்ளார்.
சமீபத்தில் இங்கிலாந்து, அவுஸ்திரேலியா அணிகள் மோதிய ஆஷஸ் டெஸ்ட் தொடரில் அறிமுகமான முதல் போட்டியில் உலக சாதனை படைத்து அசத்தினார் ஆஷ்டன் ஏகார்(19).
தற்போது இந்தியாவில் நடக்கும் சம்பியன்ஸ் லீக் தொடரில் அவுஸ்திரேலியாவின் பேத் ஸ்கார்ச்சர்ஸ் அணிக்காக பங்கேற்கும் இவர் இந்திய அணியின் முன்னாள் அணித் தலைவர் டிராவிட் தான் தனது ஹீரோ என தெரிவித்துள்ளார். இது தொடர்பில் ஏகார் தெரிவித்தாவது..
சிறுவயது முதல் டிராவிட்டை பிடிக்கும். உலகின் சிறந்த துடுப்பாட்டக்காரர்களில் டிராவிட்டும் ஒருவர். அவரின் துடுப்பாட்டத்தைப் பார்த்து பல நுணுக்கங்களை கற்றுக்கொண்டேன். என் கிரிக்கெட் வாழ்க்கையில் அவரது பாங்கு முக்கியமானது.
அவர் தான் என்னுடைய ரோல் மொடல். சுருக்கமாக சொன்னால் கிரிக்கெட்டில் அவர் தான் என்னுடைய ஹீரோ.
சம்பியன்ஸ் லீக் 20-20 தொடரில் முன்னணி வீரர்களுக்கு எதிராக போட்டியில் பங்கேற்பதன் மூலம் சிறந்த அனுபவம் கிடைக்கும்.
முதல் போட்டியில் கிடைத்த அறிமுகத்தை மறக்க முடியாது. அடுத்தடுத்த போட்டிகளில் சிறப்பாக செயல்பட முடியவில்லை என்றாலும் சிறந்த சகலதுறை ஆட்டக்காரராக உருவாதே என் லட்சியம். அதை நோக்கி செல்ல கடினமாக பயிற்சி மேற்கொண்டுள்ளேன் என ஏகார் கூறினார்.
