சமூகத்தில் பலரும் நிறைய சாதனைகளை செய்து வருகின்றனர். அதில் ஒருசிலரின் சாதனைகள் மக்களுக்கு தெரியும். அப்படி சாதனை செய்த பெண் என்ற வகையில் அனைவராலும் அறியப்பட்டவர் கல்பனா சாவ்லா.
விண்வெளிக்குப் பயணம் செய்த இந்தியாவின் முதல் பெண்மணி என்ற பெருமைக்குரியவர் இவர், தற்போது இவருடைய வாழ்க்கை வரலாறு படமாக்கப்பட இருப்பதாக செய்திகள் வெளிவந்துள்ளது.
அறிமுக இயக்குனர் பிரியா மிஷ்ரா இயக்க, பொலிவுட் நடிகை பிரியங்கா சோப்ரா, கல்பனா சாவ்லா வேடத்தில் நடிக்கவுள்ளதாக சினிமா வட்டாரங்கள் தெரிவிக்கின்றன.
இப்படத்திற்காக கடந்த ஏழு வருடங்களாக பல விடயங்களை தயார் செய்து வந்திருக்கிறாராம் இயக்குனர்.
விரைவில் படத்தை பற்றி மற்ற விடயங்கள் வெளியாகும் என எதிர்ப்பார்க்கப்படுகிறது, இதற்கு முன் பிரியங்கா சோப்ரா குத்துச்சண்டை வீராங்கனை மேரி கோம் அவர்களின் வாழ்க்கை வரலாற்றில் நடித்திருந்தமை குறிப்பிடத்தக்கது.
