ஒல்லியாக இருப்பது அழகல்ல ஆபத்து!!

454


பொதுவாகவே அதிக உடல் எடை கொண்டவர்களுக்கு இரத்த அழுத்தம், நீரிழிவு நோய், மாரடைப்பு போன்ற பிரச்சனைகள் ஏற்படும். அதிக உடல் எடையினை கொண்டவர்கள் தங்கள் உடல் எடையினை குறைப்பதற்காக டயட், உடற்பயிற்சி போன்ற பல முயற்சிகளை மேற்கொள்வர்.



குண்டாக இருப்பது மட்டுமல்ல ஒல்லியாக இருப்பது ஆபத்து தான் என மருத்துவர்கள் அறிவுரை கூறுகின்றனர்.

சினிமா மற்றும் மொடலிங் துறையில் உள்ளவர்கள் ஒல்லியான உடல்வாகினை பெற்றிருப்பது தற்போது கட்டாயமாகி உள்ளது. இந்நிலையில் உடல் எடையினை குறைப்பதற்காக உணவினை சரியாக எடுத்து கொள்வது இல்லை.



பெரும்பாலான பெண்களும் டயட் என்னும் பெயரில் புரோட்டீன் அதிகமுள்ள பயறு போன்ற உணவுகளை எடையினை அதிகரித்துவிடும் என தவிர்த்து விடுகின்றனர். இதனால் உடலுக்கு தேவையான ஊட்டச்சத்து சரிவர கிடைக்காமல் போய் விடுகிறது.



இது பெண்களுக்கு மட்டுமல்ல ஆண்களுக்கும் தான். பிறந்த குழந்தை அவரவர் வளர்ச்சிக்கு ஏற்ற அளவில் எடையானது இருக்க வேண்டியது கட்டாயமாகும்.
எடை குறைவினால் ஏற்படும் பிரச்சனைகள்


* இயல்பான உடல் எடையினை விட குறைவாக இருந்தால் மன அழுத்தம் மற்றும் பசியின்மை அதிகரிக்கும்.

* உடல் எடையின்மையால் ஏற்படும் பிரச்சனைகள் ஆண்களை விட பெண்களுக்கு தான் அதிகம்.


* இரத்த சோகை போன்ற பிரச்சனைகள் உண்டாகி நோய் எதிர்ப்பு சக்தியானது குறையும்.

*உடல் எடையினை குறைக்க எடுத்து கொள்ளும் மருந்துகளால் பக்கவிளைவுகள் ஏற்படும் அபாயமுள்ளது.