இந்தியாவில் 21 வயது இளைஞர் விசித்திர நோய் பாதிப்பால் 120 வயது மனிதருக்கு உடைய பலவீனமான உடல் நலத்துடன் வாழ்ந்து வருகிறார்.
இந்தியாவின் உத்தரபிரதேச மாநிலத்தை சேர்ந்தவர் Rupesh Kumar (21) இவருக்கு எட்டு மில்லியனில் ஒருவருக்கு வரும் Hutchinson-Gilford progeria என்னும் விசித்திர நோய் உள்ளது.
இதன் காரணமாக சாதரண மனிதர்களை விட இவருக்கு எட்டு மடங்கு வயோதிகம் வேகமாக ஏறுகிறது. இதனால், 21 வயதான Rupesh, 120 வயதுடைய மனிதரின் உடலுடன் பலவீனமாக உள்ளார்.
இந்த நோய் வந்து இத்தனை வருடங்கள் உயிருடன் வாழுவது Rupesh மட்டும் தான். இதற்கு முன்னர் இந்த நோயால் பாதிக்கப்பட்டு 26 வயது வரை வாழ்ந்த தென் ஆப்பிரிக்காவை சேர்ந்த Leon Botha இறந்து விட்டார்.
இது குறித்து Rupeshன் தந்தை Ramapati Kumar கூறுகையில், இரண்டு வயது இருக்கும் போது ஒரு நாள் தலைவலி என Rupesh கூறினான். அவனுக்கு என்ன நோய் என அப்போது மருத்துவர்களால் கண்டுபிடிக்க முடியவில்லை.
அதன் பின்னர் அவன் தலை வழக்கத்துக்கு மாறாக பெரிதாக ஆரம்பித்தது. உடல் எடையும் குறைய தொடங்கியது.
பின்னர், முடி கொட்டி, பற்கள் விழுந்து அவன் வயதோதிக நிலையில் தற்போது பலவீனமாக உள்ளான் என சோகத்துடன் அவர் கூறியுள்ளார்.
இந்நிலையில், Rupesh உடல் நிலையை சரி செய்ய உதவி கோரி அவர் பெற்றோர் இந்திய பிரதமர் நரேந்திர மோடிக்கு கடிதம் அனுப்பியுள்ளனர்.
