செல்வராகவன் இயக்கத்தில் ஆர்யா, அனுஷ்கா இரட்டை வேடத்தில் நடித்துள்ள படம் இரண்டாம் உலகம். இப்படத்திற்கு ஹரிஸ் ஜெயராஜ் இசையமைக்கிறார். பின்னணி இசையமைக்க ஹரிஸ் ஜெயராஜ் காலதாமதப்படுத்தியதால் அவருக்கு பதிலாக அனிருத் அந்த பணியை ஏற்றுள்ளார்.
இப்படத்தின் பின்னணி இசையை ஹங்கேரியில் வைத்து அமைக்க இயக்குனர் செல்வராகவன் முடிவெடுத்தார். இதற்காக, இசையமைப்பாளர் அனிருத்தும் செல்வராகவனும் ஹங்கேரி புறப்பட்டு சென்றுள்ளனர். ஹங்கேரியில் உள்ள புடாபெஸ்ட் நகரத்தில் சிம்பொனி இசை அமைத்து பின்னணியில் கோர்க்க உள்ளனர்.
இப்படத்தின் பாடல்கள் மற்றும் டிரைலர் ஏற்கெனவே வெளியிடப்பட்டு பிரமிப்பை ஏற்படுத்தியது. அதேபோல் பின்னணி இசையிலும் பிரமிப்பை ஏற்படுத்த வேண்டும் என்பதற்காக இயக்குனரும் இசையமைப்பாளரும் தீவிரமாக களமிறங்கியுள்ளனர். விரைவில் வெளியாகும் இப்படத்தை ரசிகர்கள் ஆவலுடன் எதிர்பார்த்து காத்திருக்கின்றனர்.
