வெல்பர் கிரியேஷன்ஸ் சார்பில் மல்லா விஜயபிரசாத் தயாரிக்க, ஈஸ்வர் இயக்கத்தில் தெலுங்கில் உருவான படம் சீதாராமுல கல்யாணம் லங்கலோ. நிதின், ஹன்சிகா ஜோடியாக நடித்த இப்படம் 2010ம் அண்டு ஆந்திராவில் வெளியானது.
இப்படத்தை ரவுடி கோட்டை என்ற பெயரில் எஸ்.சுந்தரலட்சுமி தமிழில் டப் செய்துள்ளார். இந்நிலையில் தன் அனுமதி இல்லாமல் தெலுங்கு படத்தை தமிழில் வெளியிடுகிறார்கள் என்று ஹன்சிகா புகார் அளித்துள்ளார்.
இதுகுறித்து அவர் கூறுகையில் தெலுங்கில் சீதாராமுல கல்யாணம் லங்கலோ படத்தில் நான் ஒப்பந்தமானபோது இப்படம் தெலுங்கில் மட்டுமே உருவாகும். தமிழில் டப் செய்ய மாட்டோம் என்று சொன்னார்கள். இப்போது ரவுடி கோட்டை என்ற பெயரில் தமிழில் டப் செய்து அடுத்த மாதம் வெளியிடப்பாவதாக அறிந்ததும் அதிர்ச்சி அடைந்தேன்.
என் அனுமதியின்றி டப் செய்ய உரிமை வழங்கிய தெலுங்கு தயாரிப்பாளர் மீது தென்னிந்திய நடிகர் சங்கத்தில் புகார் செய்ய உள்ளேன் என்று கூறியுள்ளார்.
