பொரலஸ்கமுவ பிரதேசத்தில் மசாஜ் நிலையம் என்ற பெயரில் இயங்கி வந்த பாலியல் தொழில் நிலையம் ஒன்றை பொலிஸார் சுற்றிவளைத்துள்ளனர்.
மிரிஹான ஊழல் ஒழிப்பு பிரிவிற்கு கிடைத்த இரகசிய தகவலுக்கு அமையவே இந்த சுற்றிவளைப்பு இடம்பெற்றுள்ளது.
இதில் பாலியல் தொழில் நிலைய முகாமையாளரான முன்னாள் இராணுவ வீரர் ஒருவரும் 7 பெண்களும் கைது செய்யப்பட்டுள்ளனர்.
இந்த நிலையத்தில் உள்நுழைவதற்காக ரூபாய் 2 ஆயிரம் அறவிடப்பட்டுள்ளதுடன், பெண்கள் அதிக விலைக்கு விற்பனை செய்யப்பட்டுள்ளதாகவும் தகவல் கிடைத்துள்ளது.
இதேவேளை, கைது செய்யப்பட்டுள்ள பெண்கள், குருநாகல், காலி, இரத்மலானை, நீர்கொழும்பு மற்றும் மாத்தறை பிரதேசங்களை சேர்ந்தவர்கள் என பொலிஸார் கூறியுள்ளனர்.
இந்த மசாஜ் நிலையமான பாலியல் தொழில் நிலையம், இரண்டு மாடி கொண்ட சொகுசு கட்டடத்தில் ஒரு இலட்சத்து 50 ஆயிரம் ரூபாய் மாதாந்த வாடகை அடிப்படையில் பெறப்பட்டு நடத்திச் செல்லப்பட்டுள்ளமை குறிப்பிடத்தக்கது.
