மாலபே தனியார் வைத்திய கல்லூரிக்கு எதிர்ப்பு தெரிவித்து அடுத்த இரண்டு வாரங்களுக்குள் மற்றுமொரு தொழிற்சங்க நடவடிக்கையில் ஈடுபடுவதற்கு அரச வைத்திய அதிகாரிகள் சங்கம் தீர்மானித்துள்ளது.
நேற்று காலை அரச வைத்திய அதிகாரிகள் சங்கத்தின் மத்திய செயற்குழு அவசர கூட்டம் ஒன்றை நடத்தி இந்த தீர்மானத்தை எடுத்துள்ளது.
மத்திய செயற்குழுவினால் இன்று எடுக்கப்பட்ட தீர்மானங்கள் தொடர்பில் விளக்கமளித்த அந்த சங்கத்தின் உறுப்பினர் வைத்தியர் நலிந்த ஹேரத், 110 இணை சங்கங்களின் பிரதிநிதிகள் இன்றைய கூட்டத்தில் கலந்து கொண்டிருந்ததாக கூறினார்.
குறித்த பிரச்சினைக்கு நிரந்தர தீர்வு வழங்காவிட்டால், ஏனைய தொழிற்சங்கங்களுடன் இணைந்து தொடர்ச்சியான தொழிற்சங்க நடவடிக்கையில் ஈடுபடுவதாகவும், அது தொடர்பான திகதிகளை பின்னர் அறிவிப்பதாகவும் வைத்தியர் நலிந்த ஹேரத் கூறினார்.
