வவுனியா விநாயகபுரத்தில் மாட்டுடன் மோதுண்ட மோட்டார் சைக்கில் : ஒருவர் காயம்!!

 
வவுனியா விநாயகபுரத்தில் இன்று (10.05.2017) மாலை 6.15 மணியளவில் மாட்டுடன் மோதுண்டு மோட்டார் சைக்கில் விபத்துக்குள்ளானது.

இவ் விபத்தில் மோட்டார் சைக்கிளை செலுத்தியவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.  இவ் விபத்து தொடர்பாக மேலும் தெரியவருவதாவது..

நெளுக்குளத்திலிருந்து செட்டிக்குளம் நோக்கி பயணித்த மோட்டார் சைக்கில் பாரதிபுரம் விநாயகபுரம் பகுதியில் மாட்டுடன் மோதி விபத்துக்குள்ளானது.

இவ் விபத்தில் மாடு உயிரிழந்ததுடன் ஒரு மாடு காயமடைந்துள்ளது. மோட்டார் சைக்கிளை செலுத்தியவர் படுகாயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளார்.