முனி, காஞ்சனா வெற்றிக்குப் பிறகு ராகவா லோரன்ஸ் நடித்து இயக்கும் படம் முனி 3 கங்கா. இப்படத்தில் இவருக்கு ஜோடியாக டாப்சி நடிக்கிறார். மேலும், கோவை சரளா, தேவதர்ஷினி உள்ளிட்ட பலரும் நடிக்கின்றனர். இப்படத்திற்கு எஸ்.தமன் இசையமைக்கிறார்.
இந்நிலையில் இந்த படத்தின் பாடல் காட்சி ஒன்றின் ஒத்திகையின்போது லோரன்ஸ் தடுமாறி கீழே விழுந்து அவருக்கு பலத்த அடிபட்டுள்ளது. அவரது கழுத்து மற்றும் கை மணிக்கட்டுகளில் பலத்த அடிபட்டுள்ளது.
உடனடியாக அவர் மருத்துவமனைக்கு கொண்டு செல்லப்பட்டு, அங்கு சிகிச்சை பெற்று வருகிறார். பலத்த அடிபட்டுள்ளதால் 3 மாதங்கள் ஓய்வு எடுக்கவேண்டும் என வைத்தியர்கள் அவரை அறிவுறுத்தியுள்ளனர். இதனால் டிசம்பர் மாதம் முனி 3 கங்கா’ படப்பிடிப்பில் கலந்துகொள்ள இருக்கிறார்.
இதுகுறித்து லோரன்ஸ் கூறும்போது முனி 3 கங்கா படத்தின் முதல் பாதி முடிந்துவிட்டது. இரண்டாவது பாதியில் ரிஸ்க்கான காட்சிகள் அதிகம் இடம்பெறுவதால் முழு சிகிச்சைக்குப் பிறகு படப்பிடிப்பில் கலந்துகொள்ள முடிவெடுத்திருக்கிறேன். வைத்தியர்கள் ஆதரவுடனுடம் நான் வணங்கும் எல்லா வல்ல இறைவன் ஸ்ரீராகவேந்திரர் மகிமையாலும் விரைவில் குணமடைந்துவிடுவேன் என்றார்.