ஏழாம் அறிவு படத்தின் மூலம் தமிழில் நடிகையாக அறிமுகமானவர் ஸ்ருதி. அதன்பிறகு தமிழில் தனுஷுடன் 3 படத்தில் நடித்தார். அந்தப் படம் வெற்றியடைந்தாலும் ஏனோ தமிழைத் தவிர்த்துவிட்டு தெலுங்கு மற்றும் இந்தியில் மட்டுமே கவனத்தைச் செலுத்தி வருகிறார்.
தமிழில் இருந்து சென்ற சில வாய்ப்புகளையும் அறவே மறுத்து விட்டார். இந்தி மற்றும் தெலுங்கில் அவர் நடித்த படங்கள் சூப்பர் ஹிட்டானது தான் இதற்குக் காரணம் என்கிறார்கள்.
அடுத்த வாரம் அவர் நடித்த ராமய்யா வஸ்தாவய்யா, யெவடு ஆகிய இரண்டு தெலுங்குப் படங்களும் ஒரே நாளில் ரிலீஸாகப் போகின்றன. இரண்டு படங்களுமே தனக்கு நல்ல பெயரை பெற்றுத்தரும் என நம்பிக்கையுடன் காத்திருக்கிறார் ஸ்ருதி.
தற்போது ஒரு தெலுங்குப் படம், இரண்டு இந்திப் படங்கள் அவர் கைவசம் உள்ளன. இந்தநிலையில் தடையறத் தாக்க படத்தின் இயக்குநர் மகிழ் திருமேனி தான் அடுத்து இயக்க இருக்கும் படத்திற்காக ஸ்ருதியை அணுகி இருக்கிறார். கதையைக் கேட்ட ஸ்ருதி தனக்கான ரோல் வித்தியாசமாக இருக்கவே கொஞ்சம் யோசித்துள்ளார்.
ஹீரோ ஆர்யா என மகிழ் திருமேனி அஸ்திரத்தை வீச கைவசம் உள்ள படங்களை முடித்துக்கொடுத்த பிறகு கால்ஷீட் தர ஒப்புக் கொண்டுள்ளாராம் ஸ்ருதி.
