இங்கிலாந்தின் பாரம்பரிய சீஸ்-ரோலிங் (Cheese-rolling) போட்டியில் ஆயிரக்கணக்கான மக்கள் உற்சாகத்துடன் கலந்துகொண்டனர்.
பாலாடையால் செய்யப்பட்ட உருளையைக் கொண்டு விளையாடும் இந்தப் போட்டி, குளொசெஸ்டர் என்னும் கிராமத்தில் வருடாவருடம் நடைபெற்று வருகிறது.
கூப்பர்ஸ் மலையின் உச்சியில் ஆயிரக்கணக்கான மக்கள் போட்டிக்குத் தயாராக இருப்பர்.
மேலிருந்து பாலாடை உருளையைக் கீழ்நோக்கி உருட்டிவிடுவர். அதனைத் தொடர்ந்து யார் முதலில் எல்லைக் கோட்டைத் தொடுகின்றார்களோ அவர்கள் வெற்றி பெற்றவராக அறிவிக்கப்படுவர்.
ஆண்கள் பிரிவில் 29 வயதான கிரிஸ் ஆன்டர்சன் என்பருவம் பெண்கள் பிரிவில் 18 வயதான கெவி மார்க்கலும் வெற்றி பெற்றனர்.
பாரம்பரிய சீஸ்-ரோலிங் போட்டி 1826 ஆம் ஆண்டு தொடங்கப்பட்டதாக ஆதாரங்கள் தெரிவிக்கின்றன. ஆனால் அதற்கு முன்னரே இந்தப் போட்டியானது நிறுவப்பட்டது குறிப்பிடத்தக்கது.
