வவுனியாவில் இலவச மருத்துவ முகாம்!!

 
வவுனியா மதகுவைத்தகுளம் பகுதியில் இலவச மருத்துவ முகாம் ஒன்று இன்று (12.06) முதல் மூன்று தினங்கள் இடம்பெற்று வருகின்றது.

சென் சூலான் கல்வி நிலையத்தில் மகா கருண பௌத்த சங்கத்தின் அனுசரணயில் இன்று ஆரம்பமான மருத்துவ முகாமினை கல்வி நிலையத்தின் பொறுப்பாளர் கே.குணரத்தின தேரரினால் ஆரம்பித்து வைக்கப்பட்டது.

இன்று முதல் காலை 8.30 மணியிலிருந்து பிற்பகல் 4.30 மணிவரையும் புதன்கிழமை வரை இடம்பெறவுள்ளது.

வவுனியா பொதுவைத்தியசாலையுடன் இலங்கை செஞ்சிலுவைச்சங்க வைத்திய குழுவினர் இணைந்து இதனை மேற்கொண்டு வருகின்றனர்.

3மாதங்களுக்கு ஒரு முறை இடம்பெற்றுவரும் இவ் இலவச மருத்துவ முகாமில் மருத்துவக்கல்வி ஆலோசனைகள், இரத்தப் பரிசோதனைகள் உயர் குருதி அழுத்த பரிசோதனையும் அதற்குரிய மருத்து வழங்கல், மூக்குக்கண்ணாடி பரிசோதனை மேற்கொள்ளப்பட்டு கண்ணாடி வழங்கல் போன்ற சேவைகள் மேற்கொள்ளப்பட்டு வருகின்றது.

இன்று ஆரம்பமான மருத்துவ முகாமில் பெருமளவானவர்கள் கலந்து கொண்டு சேவைகளைப் பெற்றுவருகின்றனர்.