தமிழ், தெலுங்கில் முன்னணி நடிகையாக இருப்பவர் சமந்தா. தமிழில் சூர்யா, விஜய் இருவருக்கும் ஜோடியாக நடிக்க ஒப்பந்தமாகியிருக்கிறார். இந்நிலையில் சமந்தா தனது டுவிட்டர் பக்கத்தில் ஒரு திடீர் அறிவிப்பை வெளியிட்டள்ளார். அதை ‘ஸ்டிரைக்’ என்று குறிப்பிட்டிருக்கிறார்.
இனி எந்த புதுப்படங்களிலும் நான் நடிக்கப் போவதில்லை. எனக்கு பிடித்தமான, சிறந்த கதாபாத்திரம் கொண்ட படங்கள் கிடைக்கும்வரை இந்த முடிவில் உறுதியாக இருக்கப் போகிறேன்.
என்றாலும், நான் ஏற்கெனவே நடிக்க ஒத்துக்கொண்ட படங்களில் நடித்து முடிப்பேன்.
எனது திறமையை சரியாக வெளிப்படுத்தாவிட்டால் என்னை ரசிகர்கள் ஒதுக்கிவிடுவார்கள். அதனால்தான் இப்படி முடிவெடுத்திருக்கிறேன் என்று கூறியுள்ளார்.
சமந்தா தமிழில் நடித்த நான் ஈ பெரும் வெற்றிபெற்றாலும், அதன்பிறகு அவர் நடித்த நீதானே என் பொன்வசந்தம் படம் எதிர்பார்த்த வெற்றியைப் பெறவில்லை. இதையடுத்து தமிழ் சினிமாவில் அவ்வளவாக இவருக்கு வாய்ப்புகளும் கிடைக்கவில்லை.
இருப்பினும் தெலுங்கில் தொடர்ச்சியாக ஹிட் படங்களை கொடுத்து வந்தார். இந்நிலையில் தற்போது சமந்தா எடுத்துள்ள இந்த முடிவு டோலிவுட் ரசிகர்களை அதிர்ச்சியில் ஆழ்த்தியுள்ளது.
