இலங்கைக்கு மாதாந்தம் இறக்குமதி செய்யும் வாகனங்களின் எண்ணிக்கை கடந்த ஜூன் மாதம் பெருமளவில் குறைந்துள்ளதாக வாகன இறக்குமதியாளர்கள் தெரிவிக்கின்றனர்.
கடந்த காலத்தில் வாகனங்களின் இறக்குமதி பெருமளவில் அதிகரித்து காணப்பட்டது. சாதாரணமாக ஒரு மாதத்திற்கு 39 ஆயிரம் முதல் 40 ஆயிரம் வரையான வாகனங்கள் இறக்குமதி செய்யப்பட்டன. இதில் முச்சக்கரவண்டிகள் மற்றும் மோட்டார் சைக்கிள்கள் உள்ளடங்காது.
எனினும் கடந்த ஜூன் மாதம் 27 ஆயிரம் வாகனங்களே இறக்குமதி செய்யப்பட்டுள்ளன. 13 ஆயிரமாக வாகன இறக்குமதி குறைந்தது என வாகன இறக்குமதியாளர்கள் கூறுகின்றனர்.
இறக்குமதி செய்யும் வாகனங்களுக்கான வரி அதிகரிப்பு, ரூபாவின் பெறுமதி குறைந்தமை, வாகனங்களின் விலை அதிகரித்தமை உட்பட பல பொருளாதார கஷ்டங்கள் காரணமாக வாகனங்களின் விற்பனை குறைந்ததால், வாகனங்களின் இறக்குமதியும் குறைந்துள்ளது.
