இங்கிலாந்து இளவரசர் சால்ஸ்–டயானா தம்பதியின் இளைய மகன் ஹரி தான் காதலிக்கும் பெண்ணை அடுத்த ஆண்டு திருமணம் செய்ய போவதாக தகவல் வெளியாகியுள்ளது.
இவர் இங்கிலாந்து விமான படையில் அப்பாச்சி ஹெலிகப்டரில் விமானியாக பணிபுரிகிறார். ஹரியும் கிரசிடா போனாஸ்(24) என்ற பெண்ணும் கடந்த ஒரு ஆண்டாக காதலித்து வருகிறார். இவர் தொழில் அதிபர் ஜெப்ரி போனாஸ்–மேரி கயே குர்ஷன் தம்பதியின் மகள் ஆவார்.
இவர்கள் இருவரும் பல இடங்களுக்கு ஜோடியாக சென்றுள்ளனர். எனவே இவர்கள் விரைவில் திருமணம் செய்து கொள்வார்கள் என பேச்சு அடிபட்டது. இதற்கிடையே திருமணம் செய்து கொண்டு மனைவி, குழந்தைகளுடன் வாழ வேண்டும் என இளவரசர் ஹரி விரும்பியிருக்கின்றார்.
ஆனால் கிரசிடாவுக்கு அதுபோன்ற எண்ணம் இல்லாமல் இருந்தது. இந்த நிலையில் தற்போது கிரசிடாவும் திருமணத்துக்கு சம்மதம் தெரிவித்துள்ளார். ஆனால் இவர்களது திருமணம் உடனடியாக நடைபெற வாய்ப்பில்லை என்றபோதிலும் அடுத்த ஆண்டில் நடைபெற உள்ளது லண்டன் பத்திரிக்கை தகவல் வெளியிட்டுள்ளது.
